الأسئلة الشائعة حول منصة فيورا (FAQ)

كيف بقدر أطلب من فيورا؟

اختار المنتج واللون والمقاس، ضيفه للسلة، وأكّد الطلب مع عنوانك. بيوصل طلبك للمتجر فوراً وبتبدأ مرحلة التجهيز والتوصيل.

ليش طلبي انقسم لأكتر من طلب؟

لأنك طلبت من أكثر من متجر بنفس السلة. كل متجر بيجهّز ويشحن منتجاته بشكل مستقل، فممكن يوصلوك بأوقات مختلفة حسب موقع كل متجر وتجهيزه.

بقدر ألغي طلبي؟

بتقدر تلغي طلب المتجر طول ما هو بانتظار الموافقة. بعد ما المتجر يقبله أو يبدأ تجهيزه، ما عاد بتقدر تلغيه مباشرة من التطبيق.

إيمتى بقدر أقيّم المنتج؟

بعد ما تستلم طلبك وتتحول حالته إلى «تم التوصيل». بيفتحلك خيار التقييم وبتحط النجوم وتعليقك لكل صنف استلمته.

كيف بتواصل مع المتجر؟

معلومات التواصل ورقم الهاتف موجودين بصفحة المتجر، وبتلاقي تفاصيل الطلب وخيارات المتابعة بشاشة «طلباتي» في أي وقت.